أصوات و أشياء مزعجة

04 - 03 - 2008

تحية لـ علوش.
كتيرة الأصوات و الأشياء المزعجة ما يخطر لي حاليا :
أبدأ بالأصوات
1 - صوت شخصية تتحدث عن الأبراج في إذاعة معينة اسمعها في السرافيس -مرغما- و تبدأ بتعبير "عزيزي مولود الـ ...".

2 - صوت الـ يو بي اس عندما تنقطع الكهرباء ، بيجي عبالي كسرو

.

3 - رنة موبايل شخص أصدفه دائما بأحد مقاهي الانترنت في جبلة ، صوت عنيف و ما يزعج أكثر وقوفه و محاولته لفت نظر كل الموجودين إلى أنه يمتلك موبايل ذي رنة قوية و يتلقى اتصال ، و بما أنو صارت و صارت فصوته هو نفسه مزعج أكثر من الرنة

.

4 - صوت "الوشيشة" - كما سموهم ببرنامج عالتلفزيون السوري من زمان - و هم الذين يدعون الناس للسفر في كراجات البولمان ، عالشام عالشام عالشام...

أشياء مزعجة

1 - شخص يجلس لصدفة ما بجانبي أو قبالتي و يضع أصبعه في أنفه و لا يستحي برغم نظرات القرف التي أوجهها إليه بل يستمر

.

2 - نماذج من الطلاب في الجامعة يجاهدون لإيجاد سؤال ليسألوه للمدرس فقط لحب الظهور.

3 - عالم كل ما شافو بأيدك كتاب بدن يعرفو شو هو رغم أنهم لن يعنيهم شو ما كان.

4 - شخص يرمي السيجارة على الأرض بعد انتهائه من التدخين علما أن سلة القمامة لا تبعد عنه إلا أمتار و لا يكتفي بذلك بل يدعس عليها و يضغط ثم يقوم بحركة ربع دائرية بالاتجاهين لتفتيتها على الآخر.

5 - بعض الناس لو بشوفوك باليوم ألف مرة بدهن ياخدوك مباوسة كل مرة برغم سطحية علاقتك معهم.

6 - حب توجيه النصائح و الارشادات من قبل بعض الناس برغم عدم حاجتي إليها.

7 - أني كون ناطر لشوف شخص معين

فيأتي موقف أو شخص آخر يلتصق بي فيفشلني، وقتها أتمنى أن أن

.

لن أوسم أحدا لأني جديد على التدوين و لسا ما بعرف حدا

مجتمع . شخصي . من حياتي | قراءات (345) . تعليقات (4) . إضافة تعليق

علوش في 2008-03-04 الساعة 2:47:01

....بعض الناس لو بشوفوك باليوم ألف مرة بدهن ياخدوك مباوسة كل مرة برغم سطحية علاقتك معهم....

مو أي بوسة، 3 بوسات من اليمين و 3 بوسات من اليسار،

FaRaH M في 2008-03-07 الساعة 15:06:22

ههههههه اديه 5+4 والله صعبة انا ادبي

اول شي مبروك المدونة كتير حلوة وفكرة الجمع بدل الارقام والحروف ومدري شو حلوة كتير كمان الله يعطيك العافية :)

بالنسبة للاشياء والاصوات المزعجة

3 - عالم كل ما شافو بأيدك كتاب بدن يعرفو شو هو رغم أنهم لن يعنيهم شو ما كان.

وحتى لو ما بدن يعرفوا بضلوا عميطلعوا عليك وخصوصي ازا عمتقرأ بمكان عام وكأنو عمتعمل شي خارق !!

4 - صوت "الوشيشة" - كما سموهم ببرنامج عالتلفزيون السوري من زمان - و هم الذين يدعون الناس للسفر في كراجات البولمان ، عالشام عالشام عالشام...

ايه واللي بيمروا من ادام الجامعة برامكة برامكة برامكة طلعوا طلعوا ايه شو غيّر مكان بيتي كرمالو !!!