أحمد وجه لي دعوة لانتقاد نفسي كما وجهها للذين من قبلي لعلهم عن عيوبهم يرجعون !

1- كسول جدا ، يعني فوق ما أني رسبت سنة بالجامعة السنة حامل أغلب المواد ، لا و كسل حتى بدون تأنيب ضمير يعني ما بتفرق معي الحكاية، و فوق هالشي عندي ثقة مفرطة بالنفس بطلع بالكتاب و بقول : اي شغلة سهرة بخلصو و ما بفيق بحالي إلا بعد شهر لساتني بأول فصل منو، بس الحمد لله ماني غبي و المهم تفكيري صحيح و عندي منطق لا بأس به.

2 - شرير أحيانا ، ما شرير شرير بقوص و بقتل يعني لكن شرير بمعنى أني أحيانا بتجاهل عالم ما لازم اتجاهلهم، يعني قلبي أحيانا بكون متل الحجر ما بحس قوية هي

3 - بصرف مصاري كتير علما أنو الوضع ما بيسمح ، يعني ما تفكروا كتير 1000000$ كل يوم بس قياسا بالإمكانات لازم يكون أقل من هيك بكتير.

هلا بعض رفقاتي بينتقدوني أني هادئ جدا ، لكن ما بعتبر هالشي عيب.

بقية الشغلات كمان موجودة ، مزاجي ، بكره فيق ... هاللي كتبوها الزملاء المدونين ، لكن ما بعتبرها عيوب لأن عند غالبية الناس.